Ko te tangi a Tūkaiāia e tangi nei, e mihi nei ki tēnā, ki tēnā. He rau kūmara, he rau tangata nō te māra o Hineāmaru - mauri ora ki a tātou! Ko Kawiti Waetford ahau, he aho hōu, he kaimahi hōu kua hono mai ki te Kāhui ā-Motu o Te Aho Tū Roa, hei Poutuakana i te whaitua o Te Taitokerau. E hīkaka nei au ki te tūhono ki a koutou te rangapū whānau whānui o Te Aho Tū Roa, puta noa i te motu. Mauri ora!