August 14, 2019

December 11, 2017

Please reload

Recent Posts

Te Aho Tū Roa - Kōtuia!

December 11, 2017

1/5
Please reload

Featured Posts

Te Aho Tū Roa - Kōtuia!

December 11, 2017

Te Aho Tū Roa – Kōtuia!


He kaupapa Māori tēnei e tautoko nei i ā tātou rangatahi nō ngā wharekura huri noa i te motu kia whanake rātou, otirā, kia whai hononga: Tātou ki a tātou, tātou ki ngā mātua tūpuna, tātou ki taiao e!

He kaupapa rūmaki reo Māori a Kōtuia! e whakahau nei i a tātou kia whakatairanga i tō tātou arero tūpuna kia tika, kia rere, kia Māori!

Ka tautokohia ngā rangatahi kia manakohia te āki, kia ākina te wero, kia werohia te taniwha nei, te whakamā mā te ruku hōhonu ki ngā papamahi, ki ngā nukanuka me te tū i te atamira o Kōtuia!

Ka tīmata ki te ao mōhio, ka takahia te ara tūhura, mā Te Kāhui Tuākana o Te Aho Tū Roa ngā teina e arahi i roto i ngā mahi katoa kia tae rātou ki te taumata angitu.

Ko te waka kawe i ngā akoranga, i ngā pūrākau, i ngā mātauranga, i ngā whanaketanga, otirā, i te kaupapa o Kōtuia! ko Ngā Mahi ā Rēhia.

Kāre i tua atu i te hono ki taiao, te hono ki te ao o ngā atua kia kīia ake he Māori tātou e noho Māori nei i to tātou ao Māori. Kia whakatinanahia te whakatauki nei: Ko Au ko Koe, ko Koe ko Au.

Nō reira e te iwi. Kia tū! Kia oho! Kia mataara! Tēnā, hono mai ki te kaupapa nei o Te Aho Tū Roa.

“Kōtuia ki Te Aho Tū Roa, whiria kia ū, kia tū roa ai, mō ake tonu atu e!”

 

 

Kua kī ngā tūranga ā-kura mō te Hui ā-Motu e tū mai nei, heoi, kia mau tonu mai, kia hono tonu mai ki te kaupapa whānui o Te Aho Tū Roa!

 

www.teahoturoa.org.nz
 

Share on Facebook
Share on Twitter
Please reload

Follow Us