August 14, 2019

December 11, 2017

Please reload

Recent Posts

Te Aho Tū Roa - Kōtuia! | He Ruku Hōhonu

March 25, 2018

1/6
Please reload

Featured Posts

Te Aho Tū Roa - Kōtuia! | He Ruku Hōhonu

March 25, 2018

 

Tēnei rā te reo o mihi e rere nei ki a koutou e ngā kaiwhiri i Te Aho Tū Roa. E ngā pou o te whare o Kōtuia! E te Kāhui Tuākana! E ngā kaiako me ngā tauira o ngā wharekura huri noa i Aotearoa, tae rawa atu ki a koutou ngā kaitautoko, ngā kaiāwhina me te haukāinga i Maketū Marae, Kāwhia. Tēnā rā koutou!

Nei rā he pūnua pakipūmeka e mātai nei i ngā tukanga, i ngā uara me ngā hua i puta i tō tātou kaupapa, i a Kōtuia! Nā rau ringa i oti ai ngā mahi, nā rau manawa ngā hua i hua mai ai hei oranga mā tātou katoa nō reira me mihi ki a koutou kā tika!

Kua tae hoki te wā e huri ai te ihu o tōku waka. Kua ea te wā ki ahau, ā, kua tae te wā e mutu ai āku mahi i Toimata Foundation hei Kaiurungi mō te kaupapa o Te Aho Tū Roa. E kore aku mihi e mutu ki te whānau o Toimata, o Te Aho Tū Roa, o Enviroschools, o Te Mauri Tau, otirā ki Te Kāhui Tuākana o Te Aho Tū Roa nō roto i ngā tau maha.

Ki ōku hoa mahi i roto i ngā tau, ki te Kāhui o Kōtuia!, ki a koutou e Taupunakohe, e Raihania, e Whetu, e Raukura, e Shelley-Moana, e Erana, e Haimona, e Te Kahu, e Kawiti, nā koutou i whai kiko te toimata, nā koutou i tū ai tō tātou kaupapa, ki te kore koutou, e kore te kaupapa nei e tupu, e whanake, e puāwai, e whai hua. Aku mihi mutunga kore ki a koutou katoa!

Nōku te whiwhi, nōku te maringanui, nōku te waimarie i whai wāhi nei au ki te whakatinana i ēnei moemoeā ōku, ki te mahi tahi, ki te ako tahi ki a koutou e tuahangata mā. Tēnā rā koutou katoa!

He rā anō āpōpō, ā, ka huri au ki te whakawhanake i taku pākihi me te whai i ngā mahi whakaahua e kaingākautia nei e au. Hei te tau tītoki tātou tūtaki anō ai.

Kōtuia ki Te Aho Tū Roa, whiria kia ū, kia tū roa ai mō ake tonu atu e!

Nāku iti nei, nā Te Rawhitiroa

Ringatohu: Raiha Pāki

Kaikāmera: Ezra Ngakuru - Taktix Films
Kaihopu oro: Nathaniel Leith - Taktix Films
Kaiwāwāhi: Ezra Ngakuru, Jared Leith - Taktix Films

Kaihautū Matua: Te Rawhitiroa Bosch

 

 

Share on Facebook
Share on Twitter