Rimurimu Teretere | Te Kura Kaupapa Māori o Ngā Mokopuna


I mōhio rānei koe he pia nō te rimurimu kei roto i te miraka tepe, te kīnaki tomato me te aihikirīmi!? Koia ētahi o ngā akoranga whakamīharo kua mahuta mai i Te Kura Kaupapa Māori o Ngā Mokopuna, e nanao atu ngā ringa ki tēnei taonga nui whakaharahara o taiao i raro i te maru o te Hinonga Rimurimu.




Kua puta ki Te Aroaro o Kupe, ki Tapu Te Ranga ki te ruku me te tautohu i ngā momo pēnei i a Rimu Tīrepa Koikoi (Carpophyllum maschalocarpum), Rimu Kakau (Ecklonia radiata), me Rimu Tātārau (Lessonia variegata). Neke atu i te 200 ngā momo rimurimu e tupu taketake ana ki Aotearoa!




Anei ngā tauira e kimi ana i ngā pua atua o rimurimu kia kitea me pēhea te whakatupu ki te akomanga. E kōingo ana kia matomato te ngāhere moana ki Te Ūpoko kia ora ake te taiao, otirā ngā kete rokiroki kai, kete rokiroki kōrero, kete rokiroki taonga tuku iho haere ake nei.



“...ko tētahi tauira o te pānga o te rimurimu ki te taiao ko tāna he rite ki te rākau - ka kai i te CO2”


"kua atamai ōku whakaaro ka taea te rimurimu te tipu 30% tere ake i ngā tipu whenua"



He kaupapa e mahitahi ana me ā tātou hoa o Mountains To Sea Wellington, kia tupu tonu te miharo, otirā te mauri o ngā tai ki Te Ūpoko o te Ika.














he kaupapa e tautokona e