Te Kāhui Tuākana o Te Aho Tū Roa

"Mā te tuakana e tōtika te teina, mā te teina e tōtika te tuakana."

He aronga nui tō te kaupapa o Te Aho Tū Roa ki te Kāhui Tuākana. He rōpū tēnei nō ngā tōpito o te motu e ngākaunui ana ki te kaupapa o Te Aho Tū Roa me te hāpai i ngā rāngatahi i roto i ngā wharekura, i ngā kura Māori me ngā hapori o te motu.

Ka tū ngā Hui Whakapakari Tuākana ia tau hei whakawhanake i ngā pūkenga, hei whakaara i ngā pūmanawa, hei whakapūmau hoki i ngā hononga kia pai tā rātou hāpai i ngā rangatahi i ō rātou ake whaitua.

Hui Whakapakari Tuākana

Ia tau ka whakahaeretia he Hui Whakapakari  mā ngā Tuākana o Te Aho Tū Roa!

He huihuinga rūmaki reo Māori e whai wāhi ngā tuākana ki te

  • whakawhanake pūkenga ako

  • wānanga kaupapa Māori

  • whakawhanaunga ki ētahi atu nō ngā tōpito o te motu

  • hono ki taiao mā te takahi i te ara tūhura

Ka whakapakari i te Kāhui Tuākana kia tautoko pai rātou i ngā hui maha i ngā whaitua huri noa i Aotearoa.

Te Aho Tū Roa - Kōtuia!

"Kōtuia ki Te Aho Tū Roa! Whiria kia ū, kia tū roa ai mā ngā uri whakatipu e!"

 

He kaupapa whakawhanake rangatahi a Kōtuia! e whakamahi nei i ngā mahi ā Rēhia hei waka kawe, hei tautoko i ngā rangatahi o ngā wharekura reo Māori kia whai hononga:

Tātou ki a tātou, tātou ki ngā mātua tūpuna,

tātou ki taiao e!

Kei te taha nei te pakipūmeka e ruku hōhonu nei ki ngā tukanga whakahaere me ngā hua o Kōtuia!

he kaupapa e tautokona e